A Coral Polifónica de Campo Lameiro, fundouse orixinalmete no ano 1.997, por un grupo de amigos amantes das cancións tradicionais galegas, baixo a dirección do Sr. José Bugallo Senra.

Fixo a súa presentación ó público o 27 de setembro de 1.997, con motivo das Festas Patronais. En decembro de 1.998 foi apadriñada pola Coral de Poio. No mes de xuño de 1.999 participa nun certamen de Corais, no Monasterio de Poio, e o 25 de marzo do ano 2.000 organiza o 1º Festival Músico Vocal, no que participan varias corais da provincia. Tamén fai unha grabación para a T.V.G. no programa "Galicia Enteira".

Participa en diversos festivais con motivo do Día das Letras Galegas, como por exemplo: Portonovo, Gondomar, etc. E adica gran parte das súas actuacións o canto litúrxico. O 21 de xuño de 2.003 organiza o 2º Festival de Corais, no que participaron o Coro Virxe de Fátima de Campelo, Coral Airiños de Campaño, Coral Polifónica de Barro. O 6 de xuño de 2.004 participa no Festival de Corais de Campañó, xunto a Coral de Poio, a Coral Cantigas do Castro de Baión e a Coral Airiños de Campañó. O 20 de xuño de 2.004 organiza o 3º Festival de Corais en Campo Lameiro coa participación da Coral de Poio e a Coral Padronesa. O 28 de novembro de 2.004 participa no Festival de Corais de Campelo xunto coas Corais de Campelo e Moraña. O 2 de xaneiro de 2.005 participa no Festival de Corais de Merza xunto coas Corais de San Pedro de Cumeiro, Orfeón Parroquial Nosa Sra. de hoy-vas, Coral Polifónica San Salvador de Camanzo.

Dende primeiros de xuño de 2.005 toma o mando da Coral unha nova directora, chamada Isabel Lede Calvo. Baixo a súa batuta realizouse no mes de abril de 2.006 unha nova grabación para a Radio Galega en conxunto coa Banda de Música de Campo Lameiro no Teatro Principal de Pontevedra.